Surat Latang hi Enu

(Sumber gambar: id.depositphotos.com)

Enu, du wangkan ite cumang one pesta sekolah, pau ndarus nai daku, ita imus agu lesung pacu dite. Weong keta nai daku. Du ite songka olo mai ranga daku, tambang majak mata. cait bembes wuk lewe agu ndereng gincu one wiwir, tambang keta humer nai daku kudut cumang agu bae ite.

 Pu’ung nitu main, aku kawe ite sampe one facebook. Landing toe manga itan. Du rei ngasang dite, ite toi  hia “Marta”. Kawe laku ngasang hitu, toe keta manga. Ata mangan kali ga, hia Marta lau mai tana barat.

***

(Baca juga: Wisma-Ledalero-Mengadakan-Diskusi)

Pas minggu bebas, aku ngo one mbaru dite. Ngo cumang cama laing agu ise inang agu amang. Du hitu ite toe manga sina mbaru. Rei laku ise nia hia enu, mai tae dise sina Gereja nana. 

Denge tae sina Gereja, tambang keta bombong nai daku. Ai ite seber keta ngo Gereja. Leso hitu aku teo manga cumang ite. Aku  ngoeng keta cumang ite kudut manga tombo. Tombo le nuk agu bengkes.

***

(Baca juga: Herlin-dan-Doa-Rosario-Cerpen-BD)

Sua wulang nitu main, ite ngo cumang aku sina biara. Ite tombo nuk agu weong nai. Senang keta laku denge curup dite. Ai aku kole nuk agu weong ite. Pu’ung nitu mai ite cua pacaran. 

Leso-leso daku one biara,  hali hotes toe manga temer. Ome ngo doa toe manga konsen. Ome hang, toe manga paun. Ome toko, toe ngance. Landing le nuk keta ite.

Ho’o reweng daku latang ite; Nderes leso agu nera wulang, cama nera nai diha enu. Mesen nuk agu momang dite, bengkes keta one nai daku. Ai ite dukung agu ngaji cama laing te lako daku one salang de mori.

***

(Baca juga:Tentangmu-dalam-Secangkir-Kopi-Pada)

 Aku kole mesen  nuk agu momang ite. Ite cua  toe ngance cumang cama neho ata peang. Aku cumang ite lewat ngaji ket. Porong ite di’a-di’a agu heahal kudut mose one mose leso-leso dite.

Bo mesen janji daku du ite lako cami one lecak leso. Pas ite cama-cama ngo one mbaru de mori. “Enu am agu ite aku cepisa”. Landing toe ngance papong agu paor laku salang d’mori. 

Toe ngance laku ator salang d’mori. Aku ata pili, le mori ata tentu. Ome toe pili, berarti mesen nganji agu janji dite. Ome pili kali ga, co kole mek. Ite ikhlaskan aku.